“АДУУНЧУЛУУН” ХК-ИЙН ТӨЛӨӨЛӨН УДИРДАХ ЗӨВЛӨЛИЙН ГИШҮҮНИЙ СОНГОН ШАЛГАРУУЛАЛТЫН ЗАР

        Монгол улсын Компанийн тухай хуулийн 81 дүгээр зүйлийн 81.5.1, 81.5.2, 81.5.3 дахь заалтыг тус тус үндэслэн “Адуунчулуун” ХК-ийн Төлөөлөн удирдах зөвлөлийн ердийн болон хараат бус гишүүний сонгон шалгаруулалтыг зарлаж байна.

А. ТУЗ-ийн гишүүдэд тавигдах ерөнхий шаардлага:

1. Тухайн хуулийн этгээдийн Төлөөлөн удирдах зөвлөлийн гишүүний үүргийг гүйцэтгэхэд шаардагдах ур чадвар, мэдлэг боловсрол, ажлын туршлагатай байх.
2. Тухайн хуулийн этгээдийн Төлөөлөн удирдах зөвлөлийн гишүүн байхад ашиг сонирхол үүсгэхгүй байх.
3. Өрсөлдөгч компанид сонгууль, ажил албан тушаал эрхэлдэггүй байх
4. Компанийн засаглалын сургалтад хамрагдсан байх.
5. Хууль болон компанийн дүрмээр тогтоосон бусад шаардлага

Б. ТУЗ-ийн хараат бус гишүүнд тавигдах нэмэлт шаардлага:

1. Нэр дэвшигч нь өөрөө, эсхүл нэгдмэл сонирхолтой этгээдтэй хамтран компанийн энгийн хувьцааны 5 болон түүнээс дээш хувийг эзэмшдэггүй.
2. Нэр дэвшигч өөрөө, эсхүл нэгдмэл сонирхолтой этгээд нь компанийн болон компани оролцогч нь болж байгаа компанийн нэгдлийн бусад оролцогчид ажил, албан тушаал эрхэлдэггүй.
3. Төрийн үйлчилгээнийхээс бусад төрийн алба хашдаггүй.
4. Тухайн компанитай бизнесийн аливаа холбоогүй.

Бүрдүүлэх материал:

1. Сонгон шалгаруулалтад оролцох хүсэлт
2. Анкет (Зураг хавсаргах, боловсрол, ажлын туршлага /сүүлийн 5 жилийн/-ын талаарх мэдээллийг бүрэн оруулсан байх)-Төрийн албан хаагчийн
3. Боловсролын диплом, үнэмлэх
4. Иргэний үнэмлэхийн хуулбар
5. Компанийн засаглалын гэрчилгээний хуулбар /нотариатаар баталгаажуулсан/

Сонгон шалгаруулалтын материал хүлээн авах хугацаа, газар:

            Сонгон шалгаруулалтад орох иргэний материалыг 2021 оны 03 дугаар сарын 05-ны өдрийн 17 цаг хүртэл Дорнод аймаг, Хэрлэн сум, 8 дугаар баг, “Адуунчулуун” ХК-ийн өөрийн байр 209 тоотод болон цахим хэлбэрээр /murun@aduunchuluun.mn/ хүлээн авна.

            Анхаарах зүйлс:

1. Материалыг битүүмжилсэн байх ба дугтуйн гадна талд сонгон шалгаруулалтад оролцогч иргэний оршин суух хаяг, холбоо барих утасны дугаар, нэрээ дэвшүүлж буй компанийн нэрийг тус тус гаргацтай бичнэ.
2. Нэг дугтуйнд зөвхөн 1 сонгон шалгаруулалтын материалыг хийнэ.
3. Материалыг сонгон шалгаруулалтын дараа буцаан олгохгүй болно.
4. Хугацаа хоцорсон материалыг хүлээн авахаас татгалзана.
5. Сонгон шалгаруулалтын шаардлага хангасан иргэнтэй холбоо барина.

Нэмэлт мэдээллийг 88062945, 99010280 дугаарын утсаар холбогдоно авна уу.

“Адуунчулуун” ХК-ийн

Төлөөлөн удирдах зөвлөл