Эрхэм хэрэглэгч, харилцагч Танд энэ өдрийн мэнд дэвшүүлье.

Адуунчулууны нүүрсний уурхай байгуулагдсан цагаасаа хойш жарны хугацаанд 16 сая тонн нүүрс олборлон Дорнодчууддаа нийлүүлж, олон арван ур чадвартай инженер техникийн ажилчдыг бэлтгэж, улс орныхоо эдийн засгийн сан хөмрөгийг арвижуулах аймаг орон нутгийн хөгжил, тал нутгийн хүн ардынхаа сайн сайхны төлөө бодитой хувь нэмэр оруулан, нүүрсний салбарыг хөгжүүлэхэд зохих ёсоор үлгэрлэн ажиллаж байна.

Манай хамт олон үйлдвэрлэлд дэвшилтэт технологийг нэвтрүүлэх, өртөг зардлыг бууруулах, бүтээгдэхүүн ажил үйлчилгээний чанар үр ашиг, уурхайн менежментийг зах зээлийн шаардлагад нийцүүлэх, өрсөлдөх чадварыг улам бүр нэмэгдүүлэх замаар хариуцлагатай уул уурхайн ил тод байдал, нийгмийн хариуцлагыг дээшлүүлэн тулгамдсан асуудлуудыг дэс дараатай шийдвэрлэн ажилласаар байна.

Эх орны нүүрсний салбарын хоёр дахь уурхайн тулгын чулууг тавилцсан үе үеийн ахмад буурлууд, уурхайчид, хэрэглэгчид, байгууллагууд, хамт олон та бүхэндээ ажил хөдөлмөрийн өндөр амжилт, эрүүл энх, аз  жаргал сайхан бүхнийг хүсэн ерөөе